📌 Совршен стил на мајчинство? Не постои.
Постои твој стил – со сите твои супермоќи, прагови на трпение, непредвидливи денови и (понекогаш) ладно кафе. Еве три често препознаени „типови“ – не за да се класифицираш, туку да си се насмееш. Или препознаеш. Или двете.
🅰️ Тип А: Мајстор на организација и Google Calendar
Сè е на свое место – буквално. Распоредот се прави недела однапред. Се стига на време. Детските чорапи се сортирани по боја. Овој тип мајка умее да го контролира хаосот – ама понекогаш заборава дека светот не се распаѓа ако нешто не е според планот.
✨ Супермоќ: Структура што создава чувство на сигурност
⚡ Слабост: Перфекционизмот како секојдневен сопатник
🅱️ Тип Б: Мајка што живее во моментот
„Може и утре“ не е одложување – туку стил. Домот мириса на храна или акварел. Децата се боси и среќни. Иако понекогаш се прашува „Дали ова е доволно?“, вистината е, ова е она што децата го паметат.
✨ Супермоќ: Автентичност и присуство
⚡ Слабост: Календарот… каде беше календарот?
🅲️ Тип Ц: Баланс меѓу распоред и интуиција
Мајка што сака ред – ама знае и кога да се опушти. Понекогаш оброците се на време, а понекогаш вечерата е кај баба. Понекогаш има to-do листа, понекогаш – само потсетник на фрижидер (кој може и да е заборавен!).
Тип Ц не е микс, туку модерен хибрид: жена што учи да живее без да цели кон совршенство.
✨ Супермоќ: Флексибилност без вина
⚡ Слабост: Чувството дека „некој друг тоа го прави подобро“
💬 А ти?
Можеби не си тип А, Б или Ц. Можеби си тип Јас си знам. Можеби во понеделник си суперструктурирана, а во петок забораваш каде ти е телефонот (и детето ти го наоѓа).
📍 Мајчинството не е униформа. Не е категорија.
Тоа е процес. Внатрешен глас кој се менува, се бори и – најчесто – сака најдобро.
🧡 Без оглед кој „тип“ си, запомни:
Твоето дете не бара совршена мајка. Ти си му потребна.
Твојата целосна верзија. Без филтер.
