На 1-2 години, обично секое дете си игра со сите деца околу него, без да има “најдобар” пријател. Многу од другарчињата на вашето дете ќе бидат деца на луѓе што ги познавате. На пример, пријатели, семејство или родители што ги среќавате во игротеката.
Малите деца се разликуваат по тоа колку се социјални. Некои се природно подружељубиви и лесно создаваат пријателства со повеќе деца. Додека на други им е попријатно со помалку другари кои им се познати.
Како што вашето дете расте и почнува да зборува повеќе, веројатно ќе почне да ви кажува со кого сака да си игра. Можеби ќе почнати да бараат другарите да дојдат на гости или пак заедно да одите некаде.
Подготовка на вашето дете за пријателства со други деца
Вашето дете сè уште не ги има усвоено сите социјални вештини, како што се споделувањето, разменувањето и решавањето проблеми.
Можете да му помогнете на вашето дете да почне да ги учи и практикува овие вештини со поминување време играјќи заедно. Преку играта, можете да му покажете на вашето дете како да биде добар пријател и да си игра со другите.
Пробајте ги овие идеи:
- Наизменично додавајте блокови на кула или шутирајте топка и поттикнете го вашето дете велејќи „Мој ред“ и „Твој ред“.
- Моделирајте споделување, на пример, може да му дадете на вашето дете парче од вашето тесто за играње и да кажете: „Да го споделиме моето тесто за играње – овој дел е за тебе, другиот за мене“. Кога вашето дете си игра вака со вас некое време, можете да побарате од вашето дете да сподели дел од своето тесто за играње.
- Додека се менувате, споделувате или играте игри за споделување играчки, коментирајте колку е забавно кога секој ќе добие ред или ќе може да сподели.