Воспитувањето деца е една од најтешките и најисполнетите работи во светот – и онаа за која можеби се чувствувате најмалку подготвени кога станувате родители.
Еве три важни начини како да бидете поефективни.
Зголемете ја самодовербата на вашето дете
Децата почнуваат да го развиваат своето чувство за себе како бебиња кога ќе се видат себеси низ очите на нивните родители. Вашиот тон на глас, вашиот говор на телото и секој ваш израз се апсорбирани од вашите деца. Вашите зборови и постапки како родител влијаат на нивното развивање на самодовербата повеќе од било што друго. Имањето позитивен однос кон себе ќе доведе до развој на самодоверба и кај вашето дете.
Поставете граници и бидете доследни на вашата дисциплина
Дисциплина е неопходна во секое семејство. Целта на дисциплината е да им помогне на децата да изберат прифатливо однесување и да научат самоконтрола. Тие можат да ги тестираат границите што ги поставувате за нив, но им требаат тие граници за да прераснат во одговорни возрасни луѓе. Воспоставувањето куќни правила им помага на децата да ги разберат вашите очекувања и да развијат самоконтрола. Некои правила може да вклучуваат: гледаме телевизија 30 минути после појадокот, не ги удираме другите и слично, секогаш давајќи ја причината за правилото и последицата доколку не го почитуваат истото. И запомнете, најважно е да стоите цврсто до правилата кои ги имате поставено!
Покажете дека вашата љубов е безусловна
Како родител, вие сте одговорни за корегирање на однесувањето на вашите деца. Но, како го изразувате вашето незадоволство ја прави сета разлика во тоа како детето ќе го восприема тоа. Кога треба да се соочите со вашето дете, избегнувајте обвинување, критикување или наоѓање грешки, што ја повредува самодовербата и може да доведе до незадоволство. Наместо тоа, обидете се да ги покажете љубов и да ги охрабрите, дури и кога ги дисциплинирате. Погрижете се да знаат дека иако сакате и очекувате поинакво однесување следниот пат, вашата љубов е таму без разлика на се.