Сите знаеме дека нема ништо поубаво од прегратките со вашето дете додека ја читате омилената книга заедно. Особено на ова студено време. Но дали знаевте дека гушкањето е добро за вашето и здравјето на детето?
Гушкањето всушност помага и да развиете силна и трајна врска со вашите деца – затоа препорачуваме голема дневна доза на гушкање!
Еве како гушкањето го подобрува здравјето:
Гушкањето го зголемува нивото на хормонот за љубов
Дури и пред бебето да се роди телото на мајката го ослободува хормонот окситоцин во мозокот и во крвотокот. Окситоцинот е одговорен за олеснување на пороцесот на породување, го започнува процесот на лачење на млеко и помага при создавање на силна врска меѓу мајката и бебето. Но, оваа врска не е исклучиво наменета за мајките. Татковците/партнерите можат да имаат наплив на хормонот за љубов кога го гушкаат бебето.
Прегратките помагаат во зацврстување на врската родител – дете
Кога ги прегрнувате или држите вашите деца, мозокот лачи допамин – хормон за задоволство кој сигнализира награда. Ова гушкање на новороденчињата или децата им помага да го препознаат вашиот мирис и обратно. Ова е важно за создавање и зацврстување на вашата врска. Колку повеќе прегратки, толку повеќе допамин, што создава потреба за уште повеќе прегратки. Колку е тоа прекрасно?
Прегратките се добри за срцето
Високото ниво на окситоцин кој се лачи при гушкање се поврзува со намален пулс и крвен притисок, како и намален ризик од срцеви болести. Да, сепак љубовта е клучот за здраво срце!
Гушкањето може да помогне кога вашето малечко не се чувствува добро
Окситоцинот и допаминот може да имаат силен ефект на болката. Гушкањето на деца на кои им растат запчиња, може да ја намали нивната вознемиреност. Се смета и дека може да има улога во намалување на вопаленијата и забрзување на процесот на зараснување. Можеби нема да ја намали било која болка, но дефинитивно ќе помогне во смирувањето на вашето дете, па во секој случај е добра идеја.
Со други зборови, кога станува збор за прегратки и бакнежи, повеќе е подобро. Па, раширете ги рацете и отворете го срцето!